महिला र पुरुष दुबैको ओठको आकार हेरेर गोप्य कुरा थाहा पाउन सकिने तरिकाहरु एक अध्ययनले बताएको छ । गुलाबी ओठः जो व्यक्तिको ओठको रङ गुलाबी हुन्छ, उनीहरु कुशल व्यवहार, उदार र बुद्धिमान स्वभावका हुने गर्दछन् । यस्ता ओठ भएका मानिसहरु आफ्नो व्यवहारले सबैको मनलाई पगाल्न सक्दछन् । उनीहरुको साथी पनि धेरै हुने गर्दछन् । मोटो ओठः जो व्यक्तिको ओठ सामान्यभन्दा अलि मोटो छ भने उनीहरु रिसाउने प्रकृतिका हुन्छन् । यस्ता मानिसहरु सानो(सानो कुरामा पनि रिसाउने गर्दछन् । कहिलेकाहीँ यिनिहरुको रिसले उनीहरुलाई तनावमा पनि पार्ने गर्दछ । यिनिहरु भावनात्मक र जिद्दि स्वभावका हुन्छन् ।
बाहिर निस्किएको ओठः जो मानिसहरुको ओठ सामान्य स्थितिभन्दा अलि बाहिर निस्केको देखिन्छ भने उनीहरु डरपोक स्वभावका हुन्छन् । यस्ता मानिसहरु कुनै पनि कठिन परिस्थितिको सजिलैसँग समाधान निकाल्न सक्दैनन् ।

भित्र पसेको ओठः जसको ओठ सामान्य स्थितिभन्दा अलि भित्र पसेको छ भने उनीहरु रहस्यमय स्वभाव भएका व्यक्तिहरुमा गनिन्छन् । यस्ता व्यक्तिहरुको मनको कुरा बुझ्न निकै कठिन हुने गर्दछ । ओठ भित्र पसेका व्यक्तिहरु राम्रा योजनाकार हुने गर्दछन् र आफ्नो योजनालाई गुप्त राख्ने पनि गर्दछन् ।
रसिलो ओठः रातो रंगको, नरम र कलात्मक किसिमको ओठलाई रसिलो ओठ भनिन्छ । यस्ता ओठ भएका मानिसहरु राम्रा, कलालाई माया गर्ने र राम्रा स्वभावका हुन्छन् । रसिलो ओठ भएका मानिसहरु समाज र घरपरिवारमा मानसम्मान प्राप्त गर्ने खालका हुन्छन् । यस्ता मानिसहरु आफ्नो कार्यक्षेत्रमा उच्च स्थानमा जान सक्ने र जीवनमा थुप्रै उपलब्धिहरु हासिल गर्दछन् ।

ठूलो ओठः जो व्यक्तिको ओठ ठूलो हुन्छ उनीहरु मिठो खाना खानमा सौखिन हुने गर्दछन् । उनीहरुलाई विभिन्न प्रकारका खानेकुराहरु बनाएर खान मनपर्छ । सामान्यतया यस्ता व्यक्तिहरु छिट्टै आवेशमा आउने गर्दछन् र उनीहरुको रिस पनि चाँडै नै शान्त हुुने गर्दछ ।
संकुचित ओठः सानो र पातलो ओठलाई संकुचित ओठ भनिन्छ । यदि कसैको यस्तो ओठ छ र ओठ बेरंगी छ भने यस्ता व्यक्तिहरु देखावटी गर्न माहिर हुन्छन् । बेरंगी, सानो र पातलो ओठ भएका मानिसहरु अरु मानिसहरुमा आफ्नो प्रभाव जमाउन क्रियाशिल हुने गर्दछन् ।

ओठमा कोठी छ भनेः यदि कुनै व्यक्तिको ओठमा कोठी छ भने यस्ता व्यक्तिहरु निकै कामुक स्वभावका हुने गर्दछन् । विपरित लिंगप्रति यिनिहरुको मनमा थुप्रै प्रकारको कामुक विचार आउने गर्दछन् । यस्ता मानिसहरु अरु मानिसहरुलाई चाँडै नै प्रभावित गर्न सक्षम हुने गर्दछन् । यदि ओठको ठिक मुनि कोठी छ भने यस्ता मानिसहरु कठिन परिश्रम गर्ने गर्दछन् र सजिलै सँग धन कमाउन सक्दैनन् । यस्ता मानिसहरुले कठिन परिश्रमपछि मात्र धन कमाउने गर्दछन् ।
एजेन्सीको सहयोगमा ।

दुब्लो मानिसलाइ सँधै मोटाउने रहर हुन्छ तर, मोटो मानिसलाई भने बरु दुब्लाउन पाए हुन्थ्यो भन्ने लागिरहेको हुन्छ। वास्तवमा यो नै आम मानिसको नियती बनिरहेको छ। मोटोपन एउटा यस्तो बिरामी हो जसले साथमा अन्य कयौं बिरामीहरु बोकेर आउँछ। यसर्थ मोटोपनलाई रोगको भारी पनि भन्ने गरिएको छ। यदि यसलाई समयमै नियन्त्रण गर्न सकिएन भने मान्छे बिभीन्न रोगको शिकार हुँदै क्रमश मृत्युको मुखमा धकेलीरहेको हुन्छ।

कामको व्यस्तताको कारण मानिसहरु नियमितरुपमा शारीरिक अभ्यास पनि गर्न भ्याउँदैनन। यदि तपाई पनि मोटोपनको शिकार हुनुहुन्छ भने यि कुराहरुलाई ध्यानपूर्वक विचार गर्नुहोस्। यदि तपाई राती सुत्नुभन्दा अगाडि यि पाँच उपायहरु अपनाउनुहुन्छ भने तपाईले मोटोपनलाई नियन्त्रणमा राख्न सक्नुहुन्छ।

सुत्नुभन्दा अघि खुर्सानीको सेवन गर्नुहोस : खुर्सानीले बोसो घटाउने काममा धेरै नै प्रभावकारी भूमिका निर्वाह गर्न सक्छ। यसकारण सुत्नुभन्दा अगाडिको खानासँगै खुर्सानी खानुपर्छ।

सुत्नुभन्दा अगाडि चिया पिउनुहोस : राती सुत्नुभन्दा अगाडि ग्रीन चिया पिउनाले पनि शरीरको मेटाबोलिज्म बढ्छ। यसले रातभरी तपाईंको तौल घटाउने काम गर्छ।

सुत्नुभन्दा अगाडि तनावमुक्त हुनुहोस् : आनन्द महसुस गर्नसक्ने वातावरण बनाउनुहोस्। राम्रा राम्रा र सकरात्मक सन्देश दिने गीत सुन्नुहोस्। नुहाउनुहोस्। यसले तपाईलाई राम्रो निद्रा पार्न सहयोग गर्छ।

रातीको खाना सात बजेसम्म खाइसक्नुहोस् : ढिलो खाना खाने र भोजनलगत्तै सुतिहाल्ने गर्दा तपाईंको मेटाबोलिज्ममा प्रभाव पर्दछ। जसले तौल बढ्न सक्छ।

खाना अगाडि सूप खानुहोस : बिहानरबेलुकीको मुख्य खानाको सुरूआत सूपबाट गर्नु उत्तम हुन्छ। 

' नेपाल आयल निगमको बा१ख ६५५० नम्बरको ट्यांकरले महादेवबेंसी वरपरकै फ्युल सेन्टरहरूसँग ९ हजार लिटर डिजेलको मोलमोलाइ गरिरहेको सूचनापछि नियन्त्रणमा लिएका हौं,' प्रहरी नायब उपरीक्षक सविन प्रधानले भने । ट्यांकरका चालक फरार छन् । ट्यांकरमा भेटिएका कागजातका आधारमा मकवानपुर पालुङ ३ का चालक जीवनकुमार लामा फरार भए पनि टेलिफोन सम्पर्कमा रहेको खानीखोला प्रहरी निरीक्षक हरिप्रसाद पौडेलले बताए । उक्त इन्धन भर्न धोबीघाटस्थित युनियन हाइड्रोपावर प्राइभेट लिमिटेडका अध्यक्ष किरण मल्लले गत कात्तिक ७ मा निगमलाई पत्राचार गरेका थिए । निगमबाट थानकोट डिपोलाई कात्तिक ८ मा आवश्यक कारबाही गर्न तोक लगाएको पनि खुलेको छ ।
भारतीय नाकाबन्दीपछि इन्धन आपूर्ति सहज गर्न नियमित इन्धन बेच्ने पम्पहरूलाई स्थानीय प्रशासनले ३ देखि ६ हजार लिटरसम्म मात्रै खरिद बिक्री गर्नर्े सिफारिस गर्ने गरेको छ । इन्धन वितरण गर्दा प्रहरी निगरानीमा मात्रै गर्ने प्रावधान रहे पनि एउटै कम्पनीलाई लमजुङ लैजान तोक लगाएर बिल र चलानीबिना ९ हजार लिटर इन्धन दिएर नेपाल आयल निगमकै ट्यांकरमा राजधानीतिर पठाउनु र ट्यांकरले एकमुष्ठ बेच्न ग्राहक खोज्नु आफैंमा रहस्यपूर्ण छ, छानबिन सुरु गरेको प्रनाउ प्रधानले बताए । खानीखोलाका प्रहरीको सम्पर्कमा आएका चितवन ज्यामिरेस्थित हेटौंडा आयल वितरकका प्रकाशराज खडकालाई प्रनाउ प्रधानले खरिद बिल र चलानी देखाउन अनुरोध गरेका थिए । तर, खडकाले त्यो देखाउन सकेका छ्रैनन् ।
केरुङको पेट्रोल गल्छीदेखि नौबिसेसम्म
भारतीय नाकाबन्दीपछि चीनले केरुङ हुँदै पठाएको अनुदानको पेट्रोल ट्यांकर चालकहरूले बाटैमा बेेचेको खुलेको छ । अनुदानको इन्धन नेपाल भित्रिने नाका रसुवागढी, नुवाकोट र धादिङको गल्छी हुँदै राजधानी प्रवेश गर्ने नाकाहरूमा ट्यांकर चालकहरूले अनुदानकै इन्धन बेचेको स्रोतले बतायो । पहिलेका खेपहरूमा प्रहरी एस्कर्टिङ भएकाले बेच्न नपाए पनि तिहारअघि आएका अन्तिम खेपका ट्यांकरचालकहरूले गल्छीदेखि नौबिसे सम्मका चिया पसलहरूमा समेत बेचेको फेला परेको छ । हाल उक्त अनुदानको पेट्रोल ३ सय ५० रुपैयाँ प्रतिलिटर बेचबिखन भइरहेको छ ।