१. पहिलो मागः ‘समानुपातिक समावेशी संविधान हुनुपर्‍यो’

यदि क्लस्टर मिलाएर धारा ४२ मा राज्यका सबै अंग र निकायमा समानुपातिक समावेशी हुनेछ भनियो भने एउटा विन-विन पोजिसन हुन सक्छ

दोस्रो मागः ‘जनसंख्याका आधारमा निर्वाचन क्षेत्र हुनुपर्‍यो’

अन्तरिम संविधानको धारा ६३ मा भूगोल र जनसंख्या दुबैको प्यारामिटर थियो । तर, मधेसको हकमा जनसंख्याका आधारमा हुने भनियो । यदि फेस सेभिङ गर्ने हो भने त्यही लाइन दोहोर्‍याउनुपर्छ

अहिले गर्न के सकिन्छ भन्दा अन्तरिम संविधानमा जे छ, त्यसको पुनस्र्थापना हो । समानुपातिक बढाओस्, नबढाओस्, यो भयो भने मनोवैज्ञानिक रुपमा विन विनको अनुभूति हुन्छ

मधेसमा प्रतिनिधित्व ५० प्रतिशत रहेन भने नेताहरु मात्र होइन, हामीलाई पनि कुट्छन् । अबको दुई महिनापछि वीरगञ्जमा गएर वार्ता गर, समाधान गर भनेँ भने मलाई नै ठीक पार्छन् । त्यसैले ५० प्रतिशतलाई सुनिश्चित गर्नुपछ

तेस्रो मागः नागरिकताका सम्बन्धमा के भएन, के हुनुपर्छ ?

नागरिकतामा समाधान के हुन सक्छ भन्दा पदको बारमा संशोधन गर्नुपर्छ । वैबाहिक अंगीकृतलाई अनुमति दिनुपछ

चौथो र महत्वपूर्ण मागः मधेसमा दुई प्रदेश

मधेेसको माग के छ भने २० जिल्लामा दुईवटा प्रदेश देऊ । पत्ता खोल्नुपर्‍यो कांग्रेस, एमाले र एमाओवादीले, जसले सात प्रदेशको खाका ल्याए । तपाईले लिनु भएको १२ जिल्लामध्ये कति जिल्ला दिने ?